ນຳສະເຫນີພື້ນຖານການບັນຊີ, ລະບຽບຫລັກການ ແລະ ອົງປະກອບຂອງໃບລາຍງານການເງິນ, ເປັນພື້ນຖານທາງດ້ານການບັນທຶກ, ໄຈ້ແຍກ ແລະ ອະທິບາຍໄດ້ພາບລວມຂອງການສ້າງເອກະສານລາຍງານການເງິນໃນເບື້ອງຕົ້ນ ເຊິ່ງມັນຈຳເປັນຫລາຍທີ່ຈະເຮັດໃຫ້ນັກທຸລະກິດສາມາດສ້າງລະບົບບັນຊີ ແລະ ບັນທຶກບັນຊີໄດ້ຢ່າງມີປະສິດທິພາບ ແລະ ເຊື່ອຖືໄດ້.

ນຳສະເໜີ ອົງປະກອບ ແລະ ຮູບແບບຂອງ E-Marketing, ການຕະຫລາດອອນລາຍ, ການຕະຫລາດຜ່ານສື່ສັງຄົມອອນລາຍ (Social Media), ພຶດຕິກໍາຜູ້ບໍລິໂພກໃນຍຸກດີຈີຕອລ, ແລະ ການນໍາໃຊ້ເຄື່ອງມື ແລະ ຍຸດທະສາດ ທາງການຕະຫລາດດິຈິຕອລ ເພື່ອຊ່ວຍໃຫ້ທຸລະກິດສາມາດເຂົ້າເຖິງກຸ່ມລູກຄ້າເປົ້າໝາຍ ແລະ ສ້າງລາຍຮັບໃຫ້ກັບທຸລະກິດໄດ້.

ນຳສະເໜີຄວາມຮູ້ພື້ນຖານ, ອົງປະກອບຕ່າງໆ ກ່ຽວກັບການຄ້າທາງເອເລັກໂຕຣນິກ ຫຼື ເອີ້ນວ່າ E-commerce, ຂະບວນການລວມຂອງການຄ້າທາງເອເລັກໂຕຣນິກ, ການເລືອກລະບົບ ແລະ ລວມໄປເຖິງຊ່ອງທາງການຊຳລະເງິນ, ການຂົນສົ່ງ. ເຫມາະສຳລັບເຈົ້າຂອງທຸລະກິດ ທີ່ສົນໃຈຢາກຫັນມາເຮັດທຸລະກິດທາງອອນລາຍ ແລະ Social Media ຕ່າງໆ.

ນຳສະເຫນີຄວາມຮູ້ພື້ນຖານກ່ຽວກັບ Full Stack Development, ການພັດທະນາເວັບໄຊ໋, ໂປຣແກຣມ ຫລື ແອັບພິເຄເຊິນ ມີຂັ້ນຕອນແນວໃດ, ຕ້ອງມີຄວາມຮູ້ພື້ນຖານຫຍັງແດ່ ແລະ ນຳໃຊ້ເທັກໂນໂລຊີໃດໃນການພັດທະນາ. ເຫມາະສຳລັບ ເຈົ້າຂອງທຸລະກິດ ຫຼື ຜູ້ທີ່ຈະເລີ່ມຕົ້ນສຶກສາ ການພັດທະນາເວັບໄຊ, ໂປຣແກຣມ ຫລື ແອັບພິເຄເຊິນ.

ນຳສະເຫນີຄວາມຮູ້ເບື້ອງຕົ້ນ ສຳລັບການນຳໃຊ້ຂໍ້ມູນມາວິເຄາະ, ຄວາມສຳຄັນຂອງການວິເຄາະຂໍ້ມູນ, ການເກັບກຳຂໍ້ມູນ, ການວິເຄາະຂໍ້ມູນ, ເຄື່ອງມືຕ່າງໆ ທີ່ສາມາດນຳໃຊ້ເຂົ້າໃນການວິເຄາະຂໍ້ມູນຂັ້ນເບື້ອງຕົ້ນ ແລະ ການແປງຂໍ້ມູນໃຫ້ເປັນພາບ (Visualization) ເຊິ່ງເປັນຕົວຊ່ວຍໃຫ້ສາມາດຕັດສິນໃຈໄດ້ຢ່າງມີເຫດ ແລະ ຜົນ, ເພື່ອພັດທະນາທຸລະກິດໃຫ້ດີຂຶ້ນ.

ນຳສະເໜີການຫັນປ່ຽນສູ່ດີຈີຕອລ, ຄວາມສຳຄັນຂອງດີຈີຕອລຕໍ່ທຸລະກິດຂອງພວກເຮົາ, ການເຮັດແຜນທຸລະກິດແບບໃຫມ່, ສັ້ນກະທັດຮັດ ແລະ ເຂົ້າໃຈງ່າຍດ້ວຍ ແມ່ແບບທຸລະກິດ (Business Model Canvas) ແລະ ຍັງຈະໄດ້ຮຽນຮູ້ເຄື່ອງມືດີຈີຕອລຕ່າງໆທີ່ສາມາດຊ່ວຍໃຫ້ເຮົາ ຫລຸດຕົ້ນທຶນລົງ ພ້ອມທັງເພີ່ມປະສິດທິພາບໃຫ້ກັບອົງກອນ.

ນຳສະເຫນີຄວາມຮູ້ເບື້ອງຕົ້ນກ່ຽວກັບລະບົບເມົາຕິມີເດຍ (Multimedia), ພື້ນຖານການອອກແບບເມົາຕິມີເດຍ (Basic Design), ການສ້າງເມົາຕິມີເດຍເພື່ອການໂຄສະນາປະຊາສໍາພັນ (Multimedia Advertisements Creation), ການວິເຄາະຄ່າໃຊ້ຈ່າຍ (Analyzing expenses) ແລະ ວິທີໃນການນໍາໃຊ້ບັນດາເຄື່ອງມືຕ່າງໆ.

ນຳສະເຫນີຄວາມຮູ້ພື້ນຖານ, ຄວາມສຳຄັນຂອງຂໍ້ມູນສ່ວນຕົວ ສຳຫຼັບການຄ້າເທິງອິນເຕີເນັດ, ໂປຣແກຣມທີ່ເປັນອັນຕະລາຍ ທີ່ລັກເອົາຂໍ້ມູນສ່ວນຕົວ ແລະ ວິທີປ້ອງກັນຂໍ້ມູນດັ່ງກ່າວບໍ່ໃຫ້ຮົ່ວໄຫຼ, ພ້ອມທັງການສ້າງຄວາມປອດໄພໃນການຄ້າຂາຍເທິງອິນເຕີເນັດສຳຫຼັບອົງກອນຂະໜາດນ້ອຍ, ເພື່ອໃຫ້ ການດຳເນີນທຸລະກຳ ຫຼື ການຄ້າທາງອອນລາຍມີຄວາມປອດໄພ.